ಅವಳಿಲ್ಲದ ನೋವಿನಲಿ...

ನಿದಿರೆಯಿಲ್ಲದ ರಾತ್ರಿ

ಕಳೆದು ಹೋದುವು ಹಾಗೇ

ನೀರೆ ನಿನ್ನ ನೆನಪಿನಲಿ.....

ಹುಡುಕಿದವು ಕಣ್ಣುಗಳು

ಬೆಳಕ ಚೆಲ್ಲುವ ನಗುವ

ಕತ್ತಲಿನ ಈ ಬದುಕಿನಲಿ.....

ಕಣ್ಮುಚ್ಚಿ ಕನಸಿನೊಳು

ನಿನ ಕೈಯ ಹಿಡಿದಿರುವೆ

ನೀ ಕಾಣೆ ತೆರದ ಕಣ್ಣಲಿ.....

ಹಲವು ಕನಸನು ಬಿತ್ತಿ

ಚಿಗುರುಗನಸನು ಚಿವುಟಿ

ಲೀನವಾದೆಯ ನೀ ಮಾಯೆಯಲಿ.....

ನನ್ನೆಲ್ಲ ಕವನದೊಳು

ಇಣುಕಿ ನೋಡುವ ನೀನು

ಯಾಕಿಲ್ಲ ಈ ಜೀವನದಲಿ.....

ನನಗಾಗಿ ಮತ್ತೆ ನೀ

ಹುಟ್ಟಿಬರಲಾರೆಯಾ

ಜೀವ ತುಂಬಲು ಈ ನನ್ನ ಉಸಿರಿನಲಿ.....