ನನ್ನೊಳಗಿನ ನನ್ನ ಪಯಣ
Monday, August 30, 2010
ನೀರು...
ಹನಿ ಹನಿ ಸುರಿದು ಮಳೆಯಾಗಿ ನೀರ ಸೆಲೆ ಉಕ್ಕಿ ಭುವಿಯೊಳು ನಲಿದಾಡಿ ನದಿಯಾಗಿ ನುಲಿದು ಅಲೆದು ಅಲೆ ಅಲೆಯಾಗಿ ನಲಿಯುವ ಸಾಗರದ ತೆರೆಗಳೊಳಗೆ ಸೇರಿ ರವಿಯ ಹರವಿನ ಕಿರಣಗಳೊಳು ಸುಳಿದು ಮುಗಿಲ ಮೇಲೇರಿ ಮೆಲ್ಲನೆ ಮಿಂಚುವ ಬೆಳಕಾಗಿ ಭಯವೀಯುವ ಗುಡುಗಾಗಿ ಸಿಡಿಲು ಜೋರಾಗಿ ಮತ್ತೆ ಮೆಲ್ಲನೆ ಧರೆಗಿಳಿಯುವ ಹುಚ್ಚು ನಿನಗೆ !!
Wednesday, June 23, 2010
ಅವಳಿಲ್ಲದ ನೋವಿನಲಿ...
ನಿದಿರೆಯಿಲ್ಲದ ರಾತ್ರಿ
ಕಳೆದು ಹೋದುವು ಹಾಗೇ
ನೀರೆ ನಿನ್ನ ನೆನಪಿನಲಿ.....
ಹುಡುಕಿದವು ಕಣ್ಣುಗಳು
ಬೆಳಕ ಚೆಲ್ಲುವ ನಗುವ
ಕತ್ತಲಿನ ಈ ಬದುಕಿನಲಿ.....
ಕಣ್ಮುಚ್ಚಿ ಕನಸಿನೊಳು
ನಿನ ಕೈಯ ಹಿಡಿದಿರುವೆ
ನೀ ಕಾಣೆ ತೆರದ ಕಣ್ಣಲಿ.....
ಹಲವು ಕನಸನು ಬಿತ್ತಿ
ಚಿಗುರುಗನಸನು ಚಿವುಟಿ
ಲೀನವಾದೆಯ ನೀ ಮಾಯೆಯಲಿ.....
ನನ್ನೆಲ್ಲ ಕವನದೊಳು
ಇಣುಕಿ ನೋಡುವ ನೀನು
ಯಾಕಿಲ್ಲ ಈ ಜೀವನದಲಿ.....
ನನಗಾಗಿ ಮತ್ತೆ ನೀ
ಹುಟ್ಟಿಬರಲಾರೆಯಾ
ಜೀವ ತುಂಬಲು ಈ ನನ್ನ ಉಸಿರಿನಲಿ.....
Subscribe to:
Posts (Atom)